SAKATA LA ROONEY: MANCHESTER UNITED YAMTOLEA UVIVU NA KUMPA MAKAVU

Manchester united imemtolea uvivu mshambuliaji wa timu hiyo Wayne Rooney na kumwambia kama anataka kuondoka ndani ya klabu hiyo na kuuzwa timu nyingine basi aandike barua rasmi ya kuomba afanyiwe hivyo.

Sakata la kutaka kuondoka kwa mchezaji huyo lilianza msimu uliopita pale mchezaji huyo alipoanza kuwekwa benchi na kocha Sir Alex Ferguson na mara nyingine kuchezeshwa na kutolewa kitu kilichoonekana hakikumfurahisha Wayne Rooney.

Rooney alionana na David Moyes ambaye ni kocha mpya aliyerithi mikoba ya Sir Alex Ferguson lakini hawakuongea kwa muda mrefu juu ya suala lao na kuonesha dalili huenda wakawa hawakuweza kufikia muafaka juu ya mazungumzo yao.

Rooney aliwasili katika uwanja wa mazoezi wa Manchester United unaofahamika kwa jina la Carrington lakini bado hana raha haswa kutokana na suala lake kutofikiwa muafaka na timu hiyo.

Tayari Manchester United ilishatoa taarifa kuwa mchezaji huyo hauzwi na b ado wangependa kumtumia na hivyo kukanusha taarifa za kuongea na vilabu vyovyote vinavyoweza kumnunua mchezaji huyo.

Rooney anaonekana kutaka kuendelea kubaki ndani ya klabu hiyo lakini anatakiwa mtu ambaye angekaa naye na kufanya mazungumzo ya kumsihi atulie na Moyes ndio mtu pekee anayeonekana kuliweza hilo kwa umakini.  

ROONEY AKIITUMIKIA TIMU YAKE YA MANCHESTER UNITED MSIMU ULIOPITA

ROONEY AKIWA NDANI YA UWANJA WA CARINGTON AKIFANYA MAZOEZI

ROONEY AKIWA NDANI YA GARI LAKE LA KIFAHARI KUELEKEA MAZOEZINI KATIKA UWANJA WA CARINGTON SIKU YA KWANZA YA KUFANYA MAZOEZI CHINI YA MOYES