IDRISA NGULUNGU AFARIKI KWA AJALI AKIELEKEA KUMZIKA NDUGU YAKE

Mchezaji wa Zamani wa Coastal Union ya Tanga, Idrisa Ngulungu amefariki dunia mapema leo.

Idirisa Ngulungu alitamba sana na Timu ya Coastal Union mwishoni mwa miaka ya 80 hadi mwishoni mwa miaka ya 90.

Alikuwepo kwenye kikosi kilichotwaa ubingwa wa Tanzania bara mwaka 1988.

Kwa mujibu wa kaka wa Marehemu, Hussein Ngulungu ambaye naye ni mchezaji wa zamani wa Taifa Stars amesema kuwa Idrisa amefariki dunia kwa ajali ya gari iliyotokea eneo la Kisaki Mkoani Morogoro.

Hussein Ngulungu ameiambia PATAPICHA kuwa Idrisa na ndugu wengine walikuwa wanaelekea Kisaki kwenye mazishi na kwa bahati mbaya gari walilokuwa wanasafiria lilichomoka tairi la mbele na kusababisha ajali hiyo iliyopoteza maisha ya Idrisa pamoja na ngudu yake mwingine wa kike.

Akaongeza kuwa bado wanasubiri utaratibu wa kupata mwili wa marehemu na baada ya kuupata utaratibu wa mazishi utafuata ambapo mazishi yanategemea kufanyika kesho, Morogoro Mjini.

Inna lilah wainah lilah rajiun